काठमाडौं– पथले १८१औं विश्व फोटोग्राफी दिवसका अवसरमा अन्तर्क्रिया कार्यक्रम आयोजना गरेको छ । जुममार्फत ‘इन्जेडरिङ थ्रु द लाइट अन दि अकेजन अफ वर्ल्ड फोटोग्राफी डे’ शीर्षकमा अन्तर्क्रिया कार्यक्रम आयोजना गरेको हो ।
कार्यक्रमकी सहजकर्ता उषा तितिक्षुले भनिन्, ‘१८१औं विश्व फोटोग्राफी दिवसका अवसरमा अन्तर्क्रियात्मक कार्यक्रम गर्न लागिएको हो । जसमा नेपाली फाेटाे पत्रकारिता क्षेत्रमा सक्रिय महिलाले यसकाे समस्या, चुनाैती र सम्भावनाका बारेमा संवाद गर्नेछन् ।’
कार्यक्रममा स्वतन्त्र पत्रकार अमृता लम्साल, नेपाली पब्लिककी श्रुति श्रेष्ठ, देशसञ्चार डटकमकी वर्षा शाह, कान्तिपुर दैनिककी बिजु महर्जन, सेतोपाटी डटकमकी निशा भण्डारी, कारोबार दैनिककी पूर्णिमा श्रेष्ठ र कान्तिपुर दैनिककी ज्योति कटुवालबीच छलफल हुनेछ । कार्यक्रम नेपाल पब्लिक डटकमका साथै यसको फेसबुक पेजबाट बेलुका ६ बजे लाइभ हुनेछ ।
कार्यक्रमकाे जुम मिटिङ आइडी 412 791 7628 रहेकाे छ भने पासवर्ड path2020 रहेकाे छ । त्यसैगरी यहाँ क्लिक गरेर पनि जुम अन्तर्क्रियामा सहभागी हुन सकिनेछ ।
