काठमाडौं– धितोपत्र बजारमा सेयर कारोबार मापक नेप्से परिसूचक आज पनि झन्डै १० अंकले बढेको छ । कोरोनाको संक्रमण बढ्दै गएपछि सरकारले निषेधाज्ञा जारी गरेको भएपनि सेयर बजारमा भने त्यसले असर पारेको छैन । पछिल्ला तीन दिनमा बजार लगातार उकालो लागेको छ ।
नेपाल स्टक एक्सचेञ्जका अनुसार आज नेप्से परिसूचक ९.३४ बिन्दुले बढेर १ हजार ४४०.९४ मा पुगेको छ । यस्तै सेन्सेटिभ परिसूचक ०.८३ ले वृद्धि भई २९८.९७ मा पुगेको छ । कूल १८९ कम्पनीको ३९ लाख ४० हजार ६९१ कित्ता सेयर १ अर्ब ८५ करोड ५१ लाख ८० हजार ५१० मा खरिद बिक्री भएका छन् । लगातार सेयर बजार उकालो लाग्दा बजार पुँजीकरणसमेत बढेर झन्डै १९ खर्ब बराबरको भएको छ ।
कारोबार भएका कूल १२ उपसमूहमध्ये आज तीन उपसमूहको सेयर ओरालो लागेको छ । व्यापार ३.०६, उत्पादन ७.२५ र सामूहिक लगानी कोष ०.०१ ले घटेको छ । यस्तै बैंकिङ १.९२, होटल १०.२, विकास बैंक २.७७, जलविद्युत् ९.०५, वित्त १.२, निर्जीवन बिमा ३२.२६, अन्य १८.५७, लघुवित्त २०.०८ र जीवन बिमा १५१.७३ ले बढेको छ । कारोबारका आधारमा आज शीर्ष स्थानमा नेपाल पुनरबीमा कम्पनी रहेको छ । सो कम्पनीको रु २८ करोड ७४ लाख पाँच हजार ८९८ बराबरको कारोबार भएको छ ।
यस्तै, नेको इन्स्योरेन्स १४ करोड २६ लाख ५५ हजार २०६, सूर्या लाइफ इन्स्योरेन्स ८ करोड ४३ लाख ५६ हजार १०५, नेपाल लाइफ इन्स्योरेन्स ८ करोड ९ लाख ९७ हजार ३७० र एसियन लाइफ इन्स्योरेन्स कम्पनी ५ करोड ९१ लाख २२ हजार ७५१ बराबरको कारोबार भई शीर्ष स्थानमा रहेको छ ।
स्टकका अनुसार नेपाल पुनर्बिमा कम्प्नी ७.६९, आशा लघुवित्त वित्तीय संस्था ६.१९ , सूर्या लाइफ इन्स्योरेन्स ५.९१, पञ्चकन्या मार्इ हाइड्रोपावर ५ र प्राइम लाइफ इन्स्योरेन्स कम्पनीका सेयरधनीले ४.७४ प्रतिशतले कमाए । त्यस्तै, समृद्धि फाइनान्स यूनियन हाइड्रोपावर ६.५४, नेसनल हाइड्रोपावर ४.९२, पोखरा फाइनान्स २.६१ र रिडी हाइड्रोपावरका लगानीकर्ताले २.३३ प्रतिशतले कमाए ।
