काठमाडौं – नायक पुष्प खड्का र नायिका एलिजा गौतमको अभिनय रहेको ‘‘सास बन्न पाए...’’ गीतको म्युजिक भिडियो सार्वजनिक गरिएको छ । एन.आर क्रिएशनमार्फत सार्वजनिक गरिएको भिडियोको निर्देशन तथा कोरीयोग्राफी शिव बि.क.ले गरेका हुन् । गितमा नरेश रेग्मीले स्वर दिएका छन् भने शब्द र संगीत वसन्त सापकोटाको हो ।
सञ्जिव बराईलीले एरेन्ज गरेको यो गितको भिडियोको सम्पादन पदम सुवेदीले गरेका हुन् । यूट्यूबमार्फत आज नै सार्वजनिक गरिएको भिडियो यो समाचार तयार पार्दासम्म २० हजारभन्दा बढी दर्शकहरुले हेरीसकेका छन् ।
लकडाउनको अवधिमा नै यसअघि एलिजा गौतम र दुर्गेश थापा अभिनित “आधी कपाल” बोलको गीतको भिडिओपनि सर्वाधिक रुचाइएको थियो । नायिका एलिजा गौतम पत्रकार ऋषि धमलाकी श्रीमती हुन् ।
