सुनौं चर्चामा नआएको मल्लिकाको मोहनी स्वर

कला मनोरञ्जन

गृहपृष्ठ
कला मनोरञ्जन

नेपाली पब्लिक शनिबार, भदौ १३, २०७७

आज शनिबार । नियमित समय हुन्थ्यो भने स्वाभाविक रूपमा रिफ्रेसको मुडमा हुने दिन हो आज । तथापि अहिले त धेरैको हकमा हरेक दिन शनिबारजस्तो छ । कार्यालय र व्यवसाय ठप्पप्रायः छ ।

यस्तो बेला समय झ्याउलाग्दो हुने नै भयो । यसैले हामी यो समय मीठा गीत–संगीतमा विचरण गर्न सुझाउँछौं ।

यो श्रृंखलामा हामी आज एक गायिकालाई सम्झँदैछौं, जसको स्वरको जादू एक समय निकै गहिरोगरी चलेको थियो । तर समयक्रमसँगै हराएजस्तो अनुभूति भएको छ । उनी हुन् गायिका मल्लिका कार्की ।

सुपरिचित गायक उदितनारायण झासँग गाएको गीत ‘लाजको लाली बोकेर’ बोलको गीतबाट आफ्नो परिचय बनाएकी कार्कीले त्यसपछि नेपाली संगीतप्रेमीलाई निरन्तर आकर्षित गरिन् । उनले गाएका अधिकांश गीतमा संगीतकार आलोक श्रीको प्रभावशाली संगीत सिर्जनाले पनि उत्तिकै भूमिका खेलेको छ ।

पछिल्लो समय उनी सांगितिक दुनियाँमा गुमनामजस्तै देखिएकी छिन् । संगीतकै दुनियाँमा रहे पनि मिडियामा भने उति नआएको उनको तर्क छ । हुन पनि यसैपालि तीजको सन्दर्भमा पनि गीत गाएकी छिन् । आज भने उनका केही लोकप्रिय गीत सुनौं र कस्तो लाग्छ लेखौं ।