काठमाडौं – नायिका एलिजा गौतम र नायक पल शाहको अभिनय रहेको म्यूजिक भिडियो सार्वजनिक भएको छ । निशान भट्टराई र सोनिका लामाले स्वर दिएको ‘आटो पिठो’ बोलको गीतको म्यूजिक भिडियो सार्वजनिक गरिएको हो ।
दिपक शर्माको शव्द संगीत रहेको गीत नरेन्द्र वियोगिले एरेन्ज गरेका हुन् भने म्यूजिक भिडियोको निर्देशन टेकेन्द्र शाहले गरेका हुन् । भिडियो गम्भीर विष्टको कोरीयोग्राफी, राम कुमार केसिको सिनेम्याटोग्राफी र टेकेन्द्रकै सम्पादनमा निर्माण भएको हो ।
यूट्यूबमार्फत सार्वजनिक यो भिडियो दर्शकले मन पराएका छन् । भिडियो अपलोड भएको २४ घण्टा नवित्दै २ लाख ६८ जनाले यो म्यूजिक भिडियो हेरीसकेका छन् ।
