रुसको डेगेस्टनमा एक महिलाको मुखबाट डाक्टरहरुले चार फिट लामो सर्प निकालेको छ । सोमबार पेट दुःखेर अस्पताल पुगेकी महिलाको पेटमा केही बाहिरी चीज रहेको पत्ता डाक्टरले लगाएका थिए ।
यसपछि महिलालाई बेहोस बनाएर मुखबाट ट्युब छिराएर सो चीज निकाल्न सुरु गरे । बाहिर निकालेपछि थाहा भयो कि महिलाको पेटमा सर्प रहेछ ।
महिलाको मुखबाट सर्प निकालेको भिडियो अहिले सोसल मिडियामा भाइरल भइरहेको छ । भाइरल भिडियोमा डाक्टरको टिमले महिलाको मुखबाट सर्प तानिरहेको देख्न सकिन्छ । जसमा सर्प तानिरहेको एक डाक्टर पुरै निस्केपछि सर्प भन्ने थाहा पाएपछि हडबडाएर पछि हटेकी थिइन् ।
कसरी पेटमा सर्प ?
महिला आफ्नो घरको बँगैचामा सुतेकी थिइन् । त्योबेला उनको मुख खुल्ला रहेको जनाइएको छ । त्यहाँबाट सर्प पेटसम्म पसेको अनुमान गरिएको छ । बिहान उठेपछि उनले पेट दुःखेको महसुस गरिन् र अस्पताल गइन् ।
अहिलेसम्म सर्प कुन जातको थियो र निकालेपछि मरेको बाँचेको उल्लेख गरिएको छैन । महिलाको नाम पनि उल्लेख गरिएको छैन । डेलीमेलको रिपोर्ट अनुसार सो स्थानको आसपासको गाउँमा यस्तो घटना हुने गरेको बताइएको छ । त्यसैले घरबाहिर नसुत्न स्थानीय प्रशासनले भन्ने गरेको उल्लेख छ ।
