बुर्तिवाङ– बाग्लुङ बाढीमा परी २८ जना बेपत्ता भएका छन् । भदौ १७ गते राति भुजीखोलामा आएको बाढीमा परी ढोरपाटन नगरपालिका–५, ६, ७, ८ र ९ वडाका २८ जना बेपत्ता भएका हुन् ।
नगरपालिकाका प्रमुख प्रशासकीय अधिकृत धनप्रसाद पोखरेलका अनुसार बाढीमा परी १३ जनाको मृत्यु भएको छ । मृतकमध्ये चार जनाको मात्र सनाखत भएको छ ।
बाढीका कारण १ सय ३० घरमा क्षति भएको छ । त्यस्तै, ११ वटा लघु जलविद्युत्मा समेत क्षति पुगेको छ ।
पोखरेलले एक स्वास्थ्य इकाइ र दुई विद्यालयमा समेत क्षति पुगेको जानकारी दिए । उनका अनुसार बेपत्ताको खोजी र पीडितलाई राहत वितरणका कार्यक्रमण जारी छ ।
