काठमाडौं– पछिल्ला २ वर्षयता सांगीतिक सहयात्रामा निस्किएका संगीतकार सन्तोष श्रेष्ठ र गीतकार डीआर उपाध्याय अर्को नयाँ सिर्जना सार्वजनिक भएको छ । डीआरको शब्द तथा सन्तोषको स्वर र संगीतमा ‘दुईमुटु जोडेर’बोलको गजल सार्वजनिक भएको हो ।
केहि समय अघि मात्रै राजधानीमा एक कार्यक्रम गरी सार्वजनिक गरिएको एल्वम ‘चाहनाको महल’मा समावेश उक्त गजलको लिरिकल भिडियो सार्वजनिक गरिएको हो । यो गजल प्राविधिक प्रयोगका हिसावमा वल्र्ड रेकर्डमा समेटिएको थियो ।
सङ्गीत सिद्धान्त अनुसार एउटै स्केलमा तीन सप्तकमा तयार गरिएको हुनाले विश्व कीर्तिमान कायम भएको हो ।
