पाख्रिबास नगरपालिका वडा नंं १ साम्मे धनकुटाका गजलकार ईश्वर दाहालको ‘कैफियत’ गजलसङ्ग्रह प्रकाशित छ । नेपाली गजलमा निकै छोटो समयमा सर्वाधिक चर्चामा रहेका गजलकार हुन् ईश्वर दाहाल ।
कोही मान्छे मुर्दाभन्दा केही खास गरिरहेछन्
हिँडडुल गरिरहेछन् श्वासप्रश्वास गरिरहेछन्
बर्षौंअघि जसले मलाई जहरको सिसी थमाएथे
तिनीहरूनै आज मबाट औषधि आस गरिरहेछन्
हर साल एक एक जना गरी भोकले लगिरहेछ
बा ईश्वरले अझै हाम्रै झुप्रोमा बास गरिरहेछन्
एक म रहेछु यहाँ मृत्यु खोजेर भौंतारिरहेको
बाँकी,जिन्दगी खोजेरै जिन्दगी नास गरिरहेछन्
मौन बस्नु भनेको कमजोर हुनु होइन सुनाईदिनु
जो खरानीभित्रको आगो टेक्ने प्रयास गरिरहेछन्
---
गजलमा–श्रमिक ५० गजल पढन् तल फोटोमा क्लिक गर्नुहोस्
