गजलकार बासुपुष्पा अधिकारी गजल यात्राका संस्थापक अभियन्ता र अनेसास, डालसका कार्यकारी सदस्य हुन् । नवलपरासीका गजलकार अधिकारी हाल अमेरिकामा बसेर आफ्नो कर्म गर्छन् ।
मुर्दा जस्तै चिसो भाछु न्यानो बनाइदे
ए घाम, लैजा मलाई ओभानो बनाइदे
कति दिन्छस् चोटहरु म थापौंला बरु
जिन्दगी तँ दाउ, मलाई अचानो बनाइदे
मलाई फेरि एकपटक निस्फिक्री रुनु छ
को सक्छ एकपटक मलाई सानो बनाइदे
कति सजिलै बिरानो बनिस् सखी म बाट
तेरा याद पनि तँ जस्तै बिरानो बनाइदे
नयाँ युग बनाउँछु भन्छस् मेरो छोरा
मर्नुअघि घरमा टिनको छानो बनाइदे
---
गजलमा–श्रमिक ५० गजल पढन् तल फोटोमा क्लिक गर्नुहोस्
