फलेवास नगरपालिका वार्ड नम्वर ५, खानिगाउँका गजलकार कपिल शर्मा गजल सन्ध्या पोखराका पूर्व अध्यक्ष हुन् । हाल उनी युथ क्रिएशन थिएटर पोखराका अध्यक्ष छन् । उनको ‘तस्बीरमा दोसल्ला’ गजलकृति प्रकाशित भएको छ ।
दिनमा खेल्छ भुल्छ गाह्रो साँझलाई पर्छ
छोरो रोइदिन्छ भोकले पीर मलाई पर्छ
श्रमका पसिना मेरा बग्छन् रात दिन
पछि अन्न दाना भागमा साउलाई पर्छ
आकास रोएर खुसी बगाइ दिए पछि
भनन चिसो चुलोमा कसरी सलाई पर्छ
भविश्य बारे नसोचेको धेरै भइसक्यो
कसरी काट्ने रात तनाब आजलाई पर्छ
सरस्वति पुजामा किताब ढोग्थ्यो छोराले
ए भगवान् अब त अफ्ठ्यारो तलाई पर्छ
---
गजलमा–श्रमिक ५० गजल पढन् तल फोटोमा क्लिक गर्नुहोस्
