कमलामाई नगरपालिका ६ सिन्धुलीका गजलकार बरुण लामिछानेको कैफियत र सिन्धुलीयन चौतारी प्रकाशित छन् । उनी बिट्स एफ.एम. माआवद्ध छन् ।
एक्लो त्यो चरीको कथा दर्दनाक छ
कठैबरा कम्लरीको कथा दर्दनाक छ
दाइजोले त्रसित ती ललन चाचाको
तत्रिएको पगरीको कथा दर्दनाक छ
गाउँमा ठुलाठालु भनाउदाले गरेका
अति नै मनपरीको कथा दर्दनाक छ
छानो चुहिरहदा रात कसरी वित्यो
दर्कने त्यो झरीको कथा दर्दनाक छ
सुनाउ भने तिमीलाई के सोच्छौ खै
यो हृदयभरिको कथा दर्दनाक छ
---
गजलमा–श्रमिक ५० गजल पढन् तल फोटोमा क्लिक गर्नुहोस्
