नेपालमा कोरोना संक्रमणको विस्तार दिन्दिनै बढ्दो छ। पछिल्लो २४ घण्टामा देशभर ३ हजार ५ सय १७ जनामा कोरोना संक्रमित थपिएका छन्।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार १४ हजार ९ सय ८९ जनाको स्वाब परीक्षण गरिएको थियो।
जसमा २ हजार १ सय ५६ पुरुष र १ हजार ३ सय ६१ महिलामा कोरोना पुष्टि भएको छ। गौतमका अनुसार नेपालमा कोरोना संक्रमितको संख्या १ लाख ६८ हजार २ सय ३५ पुगेको छ।
गौतमका अनुसार पछिल्लो २४ घण्टामा ४ हजार ९६ जना संक्रमणमुक्त भएका छन्। यससँगै कोरोनामुक्त हुनेको संख्या १ लाख २८ हजार ९ सय ५८ पुगेको छ।
देशभर सक्रिय संक्रमित ३८ हजार ३ सय ५७ जना रहेका छन्। मन्त्रालयका अनुसार शुक्रबारसम्ममा ९ सय २० जनाको कोरोना संक्रमणका कारण मृत्यु भएको छ।
