काठमाडौं– १० किलोग्राम लागूऔषध गाँजासहित गोगंबुबाट ३ जना पक्राउ परेका छन्। पक्राउ पर्नेमा गोरखा भिमसेन थापा गाउँपालिका–६ का २२ वर्षीय राहुल लम्साल, धादिङ गल्छी गाउँपािलका–१ का २५ वर्षीय इश्वर मगर र पाँचथर हिल्याङ गाउँपालिका–६ का १९ वर्षीय गणे मैनाली रहेका छन्।
नयाँबसपार्क पवित्रनगरस्थित मेघा गेष्ट हाउस अगाडि बा ९० प ६२८९ नम्बरको स्कुटरबाट निलो रंगको प्लष्टिकको ठूलो झोला निकालेर गेष्ट हाउसतर्फ लैजाँदै गर्दा उनीहरु पक्राउ परेका हुन्। उनीहरुको साथबाट ७ हजार रुपैयाँ नगद समेत बरामद भएको छ।
