अफगानिस्तानको काबुल विश्वविद्यालयमा आतंकवादी आक्रमण भएको छ। आक्रमणमा १९ जना छात्राको मृत्यु भएको छ। अन्य १२ जना छात्रा घाइते भएका छन्।
प्रहरीले एकजना आतंकवादीलाई मारेको अन्तर्राष्ट्रिय सञ्चारमाध्यमहरूले जानकारी दिएका छन्।
विश्वविद्यालयमा आयोजित बुक फेयर कार्यक्रममा ३ जना आतंकवादी प्रवेश गरी छात्रामाथि जथाभावी गोली बर्साएको उल्लेख गरिएको छ।
अफनानिस्तानको गृह मन्त्रालयका अनुसार विश्वविद्यालयको उत्तरी गेटमा शक्तिशाली बम विष्फोटपश्चात गोलाबारी भएको पुष्टि गरेको छ।
कतिपय न्यूज च्यानलमा प्रसारित फुटेजमा अधिकांश छात्रा ज्यान बँचाउन भवनभित्र भागेको देखिन्छ। सुरक्षाकर्मीले भवनभित्र फसिरहेका छात्राहरूको उद्दार गरिरहेका छन्। आक्रमणको जिम्मेवारी अहिलेसम्म कुनै पनि संगठनले लिएका छैनन्।
