सल्यान– सल्यानमा मोटरसाइकलबाट खसेर एक जनाको मृत्यु भएको छ । मृत्यु हुनेमा दाङको तुल्सीपुर घर भएका २६ वर्षीय पुरुष रहेका छन् । रा.३ प ४६४९ नम्बरको मोटरसाइकलको पछाडि सवार उनी सोमबार साँझ सल्यानको छत्रेश्वरी–६ को लान्तीस्थित सडकमा खसेको प्रहरीले जनाएको छ ।
मोटरसाइकलबाट खसेर गम्भीर घाइते भएका उनलाई उपचारका लागि अस्पताल लैजाने क्रममा बाटोमा नै उनको मृत्यु भएको हो । मोटरसाइकल चालकलाई नियन्त्रणमा लिई थप अनुसन्धान अगाडि बढाएको प्रहरीले जनाएकाे छ ।
