सुनसरी– प्रहरीले आफ्नै श्रीमतिको हत्या गरेको आरोपमा श्रीमानलाई पक्राउ गरेको छ । पक्राउ पर्नेमा धरान उपमहानगरपालिका–१५ का ४२ वर्षीय गोपाल मगर रहेका छन् । उनलाई मंगलबार बिहान पक्राउ गरिएको हो ।
उनले आफ्नो ३२ वर्षीय श्रीमति छाया थापाको कुटपिट गरी हत्या गरेको प्रहरीले जनाएको छ । कुटपिटबाट गम्भिर घाइते भएकी छायाको उपचारको क्रममा धरान घोपा अस्पतालमा मृत्यु भएको हो । घटनाबारे थप अनुसन्धान भइरहेको प्रहरीले जानकारी दिएकाे छ ।
