काठमाडौं– प्रधानमन्त्री एवं सत्तारुढ नेपाल कम्युनिस्ट पार्टी (नेकपा)का अध्यक्ष केपी शर्मा ओली र अर्का अध्यक्ष पुष्पकमल दाहाल ‘प्रचण्ड’बीच भेटवार्ता सकिएको छ । सरकारी निवास बालुवाटारमा झण्डै तीन घण्टा बसेको बैठक भने निष्कर्षबिहिन रहेको बताइएको छ।
पार्टीभित्र देखिएको संकट निवारणका लागि छलफल गरेको प्रधानमन्त्रीको सचिवालयले जनाएको छ । प्रचण्डले आजको बैठकमा पनि सचिवालय बैठक राख्नुपर्ने बताएका थिए । बैठक बोलाउन ओली सकारात्मक भएको एक नेताले बताए ।
दुई अध्यक्षबीचको भेटअघि आजै मन्त्रिपरिषद बैठक बसेको थियो । बैठकमा प्रधानमन्त्री ओलीले पार्टीमा संकट आउन लागेको भन्दै त्यसको सामानाका लागि तयार हुन मन्त्रीहरुलाई निर्देशन दिएका छन् ।
