काठमाडौं– अनमोल केसी र सुहाना थापाको अभिनयमा रहेको चलचित्र ‘ए मेरो हजुर ३’ युटुबमा सार्वजनिक भएको छ । झरना थापाको निर्देशनमा रहेको यो फिल्म हलमा रिलिज भएको डेढ बर्षपछि युटुबमा सार्वजनिक भएको हो ।
सुनिल कुमार थापाले निर्माण गरेका यो फिल्ममा कलाकार सलोन बस्नेतलाई पनि मुख्य भूमिकामा देख्न सकिन्छ । चलचित्रमा नायक अनमोल केसी सुपरस्टार गायकको भूमिकामा छन् भने नायिका सुहाना थापाले उनको फ्यानको भूमिका निर्वाह गरेकी छिन् ।
चलचित्रले हलमा सुपरहिटको व्यापार गरेको थियो । र अब युटुबमा पनि दर्शकले उत्तिकै मन पराउछन् भन्ने निर्माणपक्षको विश्वास रहेको छ ।
युटुबमा आउनु अगाडि चलचित्रलाई विदेशमा, टीभीमा पनि रिलिज गरिएको थियोे ‘ए मेरो हजुर ४’को पनि छायांकन सुरु भइसकेको छ।
