जाडो मौसम शुरु भएसँगै स्वास्थ्यको विशेष ख्याल राख्न जरुरी छ। हामीले स्वस्थ र तन्दुरुस्त रहन खानेकुरामा ध्यान दिनुपर्छ। जाडो मौसममा बदाम अधिक रुचाइन्छ। यहाँ बदाम खानुका फाइदाबारे चर्चा गराैँ।
प्रोटिनको भण्डार
बदाममा प्रशस्त मात्रामा प्रोटिन पाइन्छ जुन शरीरको वृद्धिका लागि आवश्यक छ। यदि तपाईँले कारणवश दुध पिउन पाउनुभएको छैन भने बदाम त्यसको उपयुक्त विकल्प हुन सक्छ।
तौल कम गर्छ
बदाम खानाले शरीरको तौल कम हुन्छ। यो खाएपछि लामो समयसम्म भोक लाग्दैन र खानेकुरा थोरै मात्रामा मात्र रुच्छ।
मुटुलाई स्वास्थ्य राख्छ
बदाममा एन्टिअक्सिडेन्ट र मिनिरल्स पाइन्छ। यसले मुटुमा आइपर्ने समस्यालाई कम गर्दछ। बदाम डिप्रेशनको समस्यासँग जुध्नको लागि पनि राम्रो मानिन्छ।
क्यान्सरको खतरा कम गर्छ
बदाममा प्रशस्त मात्रामा फाइटोस्टेरोल पाइन्छ, जसलाई बीटा सिटोस्टेरोल भनिन्छ। यस तत्वले क्यान्सर हुनबाट बचाउँछ। अमेरीकामा भएको एक अध्ययनले पनि बदाम खाने मानिसमा क्यान्सरको खतरा कम हुने देखाएको छ।
मधुमेहबाट बचाउँछ
बदाममा मिनरल्ससँगै म्याङ्गानिज पनि हुन्छ। मिनरल्सले फ्याट, कार्बोहाइड्रेट मेटाबोलिजम, क्याल्सियम र ब्लड सुगरलाई रेगुलेट गर्छ। कतियप अध्ययनले बमाद खानाले मधुमेहको खतारा २१ प्रतिशतसम्म कम हुने देखाएको छ।
अनुहारमा चमक ल्याउँछ
बदाम छालाको लागि निकै फाइदाजनक मानिन्छ। बदाम खानाले अनुहारको चम्किलोपना बढ्छ।
रोग प्रतिरोधात्मक क्षमता बढाउँछ
बदामले शरीरको रोग प्रतिरोधात्मक क्षमता बढाउँछ। यसमा पाइने भिटामिन सीले विभिन्न संक्रमणबाट बच्न मद्धत गर्छ।
