काठमाडाैं - नेपाली कांग्रेसले पार्टी जिल्ला कार्यसमिति धादिङका पूर्वसदस्य तथा पूर्व कार्यालय सचिव सीतारामप्रसाद बर्माको निधनप्रति दुःख व्यक्त गरेको छ उनको यही कात्तिक २१ गते बिहान किष्ट मेडिकल अस्पताल ललितपुरमा उपचारका क्रममा ७९ वर्षका उमेरमा निधन भएको हो।
कांग्रेस मुख्य सचिव कृष्णप्रसाद पौडेलले आज शोक वक्तव्यमार्फत पार्टीका तर्फबाट उनको निधनप्रति दुःख व्यक्त गदै शोक सन्तप्त परिवारजनमा समवेदना प्रकट गरेका छन्।
बर्मा राससका जिल्ला प्रतिनिधिका साथै नेपाल पत्रकार महासंघ धादिङ, नेपाल ट्रेड युनियन कांग्रेस धादिङ, नेपाल निजामती कर्मचारी युनियन संघ धादिङ र नेपाल प्रेस युनियन धादिङका पूर्व अध्यक्ष थिए। बर्माले पार्टी संगठन र नेपालको लोकतान्त्रिक आन्दोलनमा सक्रिय भूमिका निर्वाह गरेको कांग्रेसले जनाएको छ।
