अग्रज चिकित्सक डा. श्याम कर्माचार्यको निधन भएको छ। पारिवारिक श्रोतका अनुसार कात्तिक ७ गते नर्भिक अस्पतालमा भर्ना भएका डा. कर्माचार्यको शनिबार निधन भएको हो।
डा. कर्माचार्यलाई नेपालमा ल्याप्रोस्कोपी र हिस्टेरोस्कोपी सर्जरीको थालनीको श्रेय जान्छ। ८३ वर्षीय कर्माचार्यलाई कोरोना संक्रमण पुष्टि भएको परिवारका सदस्यले बताएका छन्। पछिल्लो समय उनी मुटुको रोग र मधुमेहबाट पीडित थिए।
स्वास्थ्य सामग्री सप्लायर्स राचेल इन्टरनेशनलका सञ्चालक रहेका डा. कर्माचार्यले काठमाडौं अस्पतालको अध्यक्ष भएर स्वास्थ्य क्षेत्रमा योगदान दिएका छन्।
