काठमाडाैं– राष्ट्रिय प्रजातन्त्र पार्टी (राप्रपा)बाट नेपाली कांग्रेसमा प्रवेश गरेका सुनिल थापा कांग्रेसको सहमहामन्त्री बनेका छन्। शुक्रबार बसेको कांग्रेसको केन्द्रीय कार्यसमिति बैठकले उनलाई सहमहामन्त्रीमा मनोनित गरेको हो।
बैठकले थापासँगै प्रवेश गरेका अन्य ७ जना केन्द्रीय सदस्य र २ जनालाई आमन्त्रित केन्द्रीय सदस्यको जिम्मेवारी दिने निर्णय गरेकाे छ।निर्णय अनुसार रामप्रसाद भट्टराई, विष्णुविक्रम थापा, बाबुराम बस्नेत, वृजलाल यादव, किरण गिरी, टि.एन. योगी, दिलीप राईले केन्द्रीय सदस्यको जिम्मेवारी पाएका छन्।
केहि समयअघि राप्रपामा असन्तुष्ट बनेका सुनिल थापा र उनी निकट नेतासहित कांग्रेस प्रवेश गरेका थिए।
