काठमाडौं– नेपालमा पछिल्लो २४ घण्टामा थप एक हजार ९४६ जनामा कोरोना भाइरसको संक्रमण पुष्टि भएको छ। विभिन्न प्रयोगशालामा गरिएको ८ हजार ७५३ नमुना परीक्षणमा ८१६ महिला र एक हजार १३० पुरुषमा संक्रमण पुष्टि भएको हो।
यससँगै नेपालमा कुल संक्रमितको संख्या २ लाख ८ हजार २९९ पुगेको छ भने मृततको संखया एक हजार २१५ पुगेको छ।
त्यस्तै हालसम्म १ लाख ७० हजार ६३२ जनाले कोरोना जितेका छन्। हाल देशभरमा ३६ हजार ४५२ संक्रिय संक्रमित रहेका छन्।
