काठमाडौं – निकिशा श्रेष्ठमाथि दुर्व्यवहारमा गर्ने र भिडियो अपलोड गर्ने तीनै जना पक्राउ परेका छन्। महानगरीय प्रहरी परिसर, भक्तपुरले निकिशामाथि दुर्व्यवहार गर्ने तीनै जनालाई बिहीबार पक्राउ गरेको हो।
पक्राउ पर्नेमा भक्तपुर महानगरपालिका–५ टौमढीका १७ वर्षीय विशेष जोशी, वडा नम्बर १ भारबा चोकका १९ वर्षीय सफिल खत्री र १६ वर्षीय एक किशोर रहेका छन्। १६ वर्षीय किशोरको नाम भने खुलाइएको छैन।
जोशीलाई बिहानै पक्राउ गरिएको हो भने अन्य दुई जना दिउँसो पक्राउ परेका हुन्। प्रहरीले उनीहरूमाथि थप अनुसन्धान गरिरहेको छ।
