विराटनगर – सीमा क्षेत्रबाट आएको तस्करलाई रोक्न प्रहरीले हवाई फायर गरेको छ। आइतबार बिहान करिब ४ बजे विराटनगर महानगरपालिका–१७ मटेरुवामा तस्करले ल्याएको सामान रोक्न प्रहरीले हवाई फायर गरेको हो।
८–९ जनाको समूहको तस्करसँग साघम्सी परेपछि अवस्थालाई नियन्त्रणमा लिन प्रहरीले एक राउण्ड हवाई फायर गरेको हो। घम्साघम्सीका क्रममा एकजना प्रहरी जवानको हातमा सामान्य चोट लागेको छ।
हवाई फायरपछि प्रहरीले तस्करीमा संलग्न एक महिलालाई पक्राउ गरेको छ। भारतबाट ल्याउँदै गरेको एक बोरा बेल्ट (कम्मरमा लगाउने पेटी) सहित ३३ वर्षीया रविना खातुनलाई पक्राउ गरेको हो।
घटनामा संलग्न अन्य व्यक्तिहरुको पनि खोजी भइरहेको प्रहरीले जानकारी दिएको छ।
