एजेन्सी – चर्चित हाँस्य कलाकार भारती सिंह ड्रग्स मुद्धामा पक्राउ परेकी छिन्। आाइतबार (आज) उनलाई र उनको श्रीमान हर्ष लिनबाचिया नारकोटिक्स कन्ट्रोल ब्यूरो (एनसीबी)ले पक्राउ गरेको हो। शनिबार एनसीबीले सोधपुछको लागि भारतीलाई बोलाएको थियो र उनको घरमा छापा हानेकाे थियाे।
छापा हान्ने क्रममा उनकाे घरबाट ८६ दशमलव ५ ग्राम गाँजा बरामद भएको थियो। एनसीबीले शनिबार भारतीसँग साढे तीन घण्टा सोधपुछ गरेको थियो।उनले एनसीबीसँगको सोधपुछमा आफू र आफ्नो श्रीमानले गाँजा सेवन गर्ने गरेको स्विकार गरेकी छिन्।
भारती र उनको श्रीमानलाई एनसीबीले आइतबार पक्राउ गरी जेल पठाउन लागेको हो। उनलाई बिहान मेडिकल परीक्षणका लागि सायन अस्पताल र्पुयाइएको छ। उनलाई ६ महिना जेल तथा १० हजार जरिवाना हुनसक्ने प्रहरीले जानकारी दिएकाे छ।
