टिभी जगतकी प्रसिद्ध बलिउड अभिनेत्री लिना आचार्यको निधन भएको छ। लामो समयदेखि मिर्गौलाको समस्याबाट ग्रसित आचार्यको दिल्लीको एक अस्पतालमा निधन भएको हो।
उदीयमान अभिनेत्रीको निधनले बलिउड स्तब्ध बनेको छ। आचार्यका फ्यान, सहकर्मीहरु तथा बलिउड सेलिब्रेटीले सामाजिक सञ्जालमा उनलाई स्मरण गर्दै श्रदाञ्जली व्यक्त गरिरहेका छन्।
धेरै टिभी सिरियलमा काम गरेकी लिनाले ‘हिच्की’ फिल्मबाट आफ्नो पहिचान बनाएकी थिइन्। त्यस्तै, टिभी सिरियल ‘मेरी हानिकारक बीवी’ ले उनलाई बलिउडमा परिचित गराएको थियो।
यसबाहेक लिनाले ‘सेठ जी’, ‘आपके आ जाने से’जस्ता सिरलियमा पनि काम गरेकी थिइन्। बलिउड सेलिब्रेटीहरुले लिनाको निधनले बलिउडमा अपुरणीय क्षति पुगेको बताएका छन्।
