पृथ्वीराजमार्गअन्तर्गत गजुरी गाउँपालिका वडा नम्बर–५ गलौँदीमा आइतबार बिहान कार र टिपर ठोक्किएर दुर्घटना हुँदा एक जनाको मृत्यु भएको छ।
दुर्घटनामा त्रिपुरासुन्दरी गाउँपालिका वडा नम्बर–१ का सल्यानटार घर भएका २४ वर्षीय दीपेश केसीको मृत्यु भएको छ।
मुग्लिनबाट काठमाडौँतर्फ जाँदै गरेको बा२ज २३५६ नम्बरको कार र विपरीत दिशाबाट आएको बा४ख ८१४३ नम्बरको टिपर ठोकिँदा कारमा सवार केसीको मृत्यु भएको हो।
इलाका प्रहरी कार्यालय गजुरीका प्रमुख युवराज खड्काले दुर्घटनामा तीन जना घाइते जानकारी दिएका छन्।
दाङ शान्तिनगर नगरपालिका वडा नम्बर ९ की ३८ वर्षीया वर्षा केसी र काठमाडौँ कलङ्की निवासी सुधीर सुवेदी गम्भीर घाइते भएका छन्।
एक जनाको अवस्था सामान्य्र छ। घाइतेलाई गजुरी अस्पतालमा सामान्य उपचारपछि काठमाडौं ट्रमा सेन्टर पठाइएको प्रहरीले जानकारी दिएको छ।
