प्रतिबन्धित नेत्रविक्रम चन्द ‘विप्लव’ समूहका कम्पनी सेक्सन कमाण्डर पेम्बा साङ्गो शेर्पा पक्राउ परेका छन्। मोरङ प्रहरीले ताप्लेजुङको फक्ताङ्लुङ् गाउँपालिका–२ का ३२ वर्षीय शेर्पालाई मोरङको उर्लाबारीबाट पक्राउ गरेको हो।
प्रहरीका अनुसार शेर्पा ‘विप्लव’ समूहको ४ नम्बर कम्पनीका सेक्सन कमान्डर हुन्। शेर्पाको साथबाट एउटा पेस्तोल, म्यागजिन, तीन राउण्ड गोली, पार्टीको पर्चा, पम्प्लेटजस्ता सामाग्रीहरु बरामद गरेको प्रहरीले जानकारी दिएको छ।
शेर्पाविरुद्ध हातहतियार खरखजना ऐन अन्तर्गत मुद्दा चलाउन आइतबार म्याद थप गरिने प्रहरीले बताएको छ। शेर्पाले मोरङको मिक्लाजुङ गाउँपालिका क्षेत्रमा बसेर गतिविधी सञ्चालन गरेको प्रहरीको दावी छ।
