इटालियन सिरी ए फुटबलअन्तर्गको खेलमा एसी मिलानले नापोलीलाई पराजित गरेको छ। मिलानले नापोलीलाई उसैको घरेलु मैदानमा ३–१ गोलले हराएको हो।
नापोलीको जितमा ३९ वर्षीय जाल्टन इब्राहिमोभिचले शानदार प्रदर्शन गर्दै २ गोले गरे भने जेन्स पेटर हौजले एक गोल गरे। नापोलीका लागि ड्राइज मेर्टेन्सले सान्तवना गोल गरे।
खेलको २० औं मिनेटमा नै जाल्टनले नापोलीलाई शुरुवाती अग्रता दिलाएका थिए। दोस्रो हाफको ५४ औं मिनेटमा व्यक्तिगत दोस्रो गोल गर्दै जाल्टनले मिलानको अग्रता दोब्बर बनाए।
तर, खेलको ६३ औं मिनेटमा ड्राइज मेर्टेन्सले गोल गर्दै नापोलीलाई खेलमा फर्काउने प्रयास गरेका थिए। खेलको अतिरिक्त समयमा मिलानका जेन्स पेटरले गोल गर्दै टोलीको जित पक्का गरे।
जितसँगै अपराजित मिलान ८ खेलबाट २० अंकको साथ शीर्षस्थानमा छ। दोस्रो स्थानमा रहेको ससुओलोको समान खेलबाट १८ अंक छ।
