झापामा प्रहरीले आफ्नै श्रीमतीको हत्या गरेको आरोपमा पतिलाई पक्राउ गरेको छ। पक्राउ पर्नेमा दमक नगरपालिका–१ का ४७ वर्षीय चुडामणि भण्डारी रहेका छन्।
चुडामणिले आफ्नी श्रीमती ३८ वर्षीय टिका देवी पौडेलको हत्या गरेको प्रहरीले जानकारी दिएको छ। टिका र सोही नगरपालिका २ का ३५ वर्षीय प्रकाशचन्द्र दाहाललाई खेतमा धान उठाइरहेका बेला चुडामणिले खुकुरी प्रहार गरेका थिए।
खुकुरी प्रहारबाट टिकाको घटनास्थलमै मृत्यु भएको हो भने प्रकाशचन्द्र गम्भीर घाइते भएका छन्। घटनाबारे थप अनुसन्धान भइरहेको प्रहरीले जानकारी दिएको छ।
