नेपालमा पछिल्लो २४ घण्टामा थप १ हजार ९८० जनामा कोरोना भाइरसको संक्रमण पुष्टि भएको छ। योसँगै कोरोना संक्रमितको संख्या २ लाख २२ हजार २ सय ८८ पुगेको छ।
देशभरका प्रयोगशालामा १० हजार ३८१ जनाको नमुना परीक्षण गर्दा १ हजार ९८० जनामा संक्रमण पुष्टि भएको हो । आज काठमाडाैंमा ७ सय ७९, ललितपुरमा १ सय ४३ र भक्तपुरमा ८५ जना जना कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।
मन्त्रालयका अनुसार हालसम्म सक्रिय संक्रमितको संख्या १८ हजार ८ सय ८४ रहेको छ । पछिल्लो २४ घण्टामा थप ३ हजार ४३ जना कोरोना संक्रमणमुक्त भएका छन्। योसँगै नेपालमा कोरोना संक्रमण भएर निको हुनेको संख्या २ लाख २ हजार ६७ पुगेको छ।
त्यस्तै अहिलेसम्म १ हजार ३ सय ३७ जना संक्रमितको मृत्यु भइसकेको छ।
