इंग्लिस क्लब चेल्सी र स्पेनिस क्लब सेभिल्लाले च्याम्पियन्स लिगको अन्तिम १६ मा स्थान बनाएका छन्। च्याम्पियन्स लिगको समूह ईमा रहेको दुबै क्लब गय रातिको खेलमा विजयी हुँदै अन्तिम १६ मा प्रवेश गरेका हुन्।
गय राति भएको चेल्सीले रेन्नेसलाई २–१ गोलले पराजित गर्याे। चेल्सीका लागि क्यालम हुडसन र ओलिभिएर गिराउडले गोल गरेका थिए। जितसँगै चेल्सीले समूह चरणमा ४ खेलबाट १० अंक जोडेको छ।
त्यस्तै, सेभिल्लाले गय रातिको खेलमा क्रास्नोडरलाई २–१ गोलले हरायो। उसका लागि इभान राकिटिक र मुनिर एल हड्डाडीले गोल गरेका थिए। समूहमा सेभिल्लाले पनि ४ खेलबाट १० अंक जोडेको छ।
