पछिल्लो २४ घण्टामा देशभर थप एक हजार ९४८ जनामा कोरोना भाइरसको संक्रमण पुष्टी भएको छ। यससँगै कुल संक्रमितको संख्या २ लाख २६ हजार ६२ पुगेको छ।
देशभरका प्रयोगशालामा ९ हजार २१० जनाको नमुना परीक्षण गर्दा ७७४ महिला र ११७४ पुरुषमा संक्रमण पुष्टि भएको हो। आज काठमाडौंमा ६३५ जना, ललितपुरमा ११३ र भक्तपुरमा ८७५ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएकाे छ।
मन्त्रालयका अनुसार हालसम्म सक्रिय संक्रमितको संख्या १६ हजार ६३९ रहेको छ ।
पछिल्लो २४ घण्टामा थप ३ हजार १४० जना कोरोना संक्रमणमुक्त भएका छन्। योसँगै नेपालमा कोरोना संक्रमण भएर निको हुनेको संख्या २ लाख ७ हजार ९९८ पुगेको छ।
त्यस्तै नेपालमा पछिल्लो २४ घण्टामा थप २८ जनाको कोरोना भाइरसको संक्रमणका कारण मृत्यु भएसँगै हालसम्म १ हजार ३८९ जनाले काेराेनाकाे कारण ज्यान गुमाएका छन्।
