बलिउड फिल्म उद्योगमा शाहरुख खान, सलमान खान र आमिर खानको निकै चर्चा हुने गर्छ। लामो समयदेखि बलिउडमा जमेका तीन कलाकारबीच धेरै कुराको तुलना पनि भइरहेको हुन्छ।
तर, बलिउडका अर्का सुपरस्टार अक्षय कुमारले तीनै खानलाई पछि पार्दै सनसनी मच्चाएका छन्। अक्षयले विश्वको सर्वाधिक कमाउने कलाकारको सूचिमा उनीलाई पछि पारेका हुन्।
लोकप्रिय नायक अक्षय कुमार विश्वको सर्वाधिक कमाई गर्ने खेलाडीको छैटौं स्थानमा परेका छन्। फाेब्र्स सार्वजनिक गरेको रिपोर्टमा अक्षयको यस वर्षको कमाई ४८ दशमलव ४ मिलियन डलर अर्थात ३ सय ६२ करोड भारतीय रुपैयाँ रहेको छ।
उक्त रिपोर्ट अनुसार विश्वमा सबैभन्दा बढी पैसा कमाउने नायक हलिउडका ड्वेन जोन्सन बनेका छन्। उनको यस वर्षको कूल कमाई नै ८७ दशमलव ५ मिलियन डलर रहेको छ।
अक्षयको यस वर्ष लक्ष्मी बम्ब डिजिटल प्लेटफर्म डिज्नी प्लसमा रिलिज भएको थियो। उनले विज्ञापनबाट पनि मनग्य आम्दानी गरेका थिए।
फिल्म रिलिज नभएका कारण यस वर्ष सलमान र शाहरुख यस मामिलामा पछाडि परेको बताइएको छ।
