पछिल्लो २४ घण्टामा देशभर थप एक हजार ६१४ जनामा कोरोना भाइरसको संक्रमण पुष्टी भएको छ। यससँगै कुल संक्रमितको संख्या २ लाख २७ हजार ६४० पुगेको छ।
देशभरका प्रयोगशालामा ९ हजार ४९१ जनाको परीक्षण हुँदा १ हजार ६१४ संक्रमण पुष्टि भएको हो। मन्त्रालयका अनुसार हालसम्म सक्रिय संक्रमितको संख्या १६ हजार ७ सय ९३ रहेको छ ।
पछिल्लो २४ घण्टामा थप १ हजार ४३७ जना कोरोना संक्रमणमुक्त भएका छन्। योसँगै नेपालमा कोरोना संक्रमण भएर निको हुनेको संख्या २ लाख ९ हजार ४३५ पुगेको छ।
त्यस्तै नेपालमा पछिल्लो २४ घण्टामा थप २३ जनाको कोरोना भाइरसको संक्रमणका कारण मृत्यु भएसँगै हालसम्म १ हजार ४ सय १२ जनाले काेराेनाकाे कारण ज्यान गुमाएका छन्।
