भारतविरुद्धको एकदिवसीय क्रिकेट सिरिजको पहिलो खेलमा अष्ट्रेलियाका ओपनर ब्याट्सम्यान आरोन फिन्चले शतक प्रहार गरेका छन्। विस्फोटक ब्याट्सम्यान फिन्चले १ सय १७ बलमा ७ चाैका र २ छक्काकाे मद्दतमा १ सय १ रन बनाएका छन्।
अष्ट्रेलियाले भारतविरुद्ध शानदार शुरुवात गरेको थियो। पहिले ब्याटिङ गरेको अष्ट्रेलियाको लागि अर्का ओपनर डेविड वार्नर ७६ बलमा ६९ रन बनाएर पवेलियन फर्किएका थिए। टिमले २७.५ ओभरमा १ सय ५६ रन बनाउँदा उनी मोहम्मद सामीको बलमा क्याच आउट भएका थिए।
जारी अवस्थामा अष्ट्रेलियाले ३९.४ ओभरमा एक विकेट गुमाउँदै २ सय ६२ रन बनाएको छ। क्रिजमा आरोन फिन्च र स्टेभेन स्मिथ रहेका छन्। स्मिथले विस्फाेटक ब्याटिङ गर्दै अर्धशतक बनाएका छन्।
