रुकुम पश्चिममा जन्ती बोकेको जीप दुर्घटना हुँदा चार जनाको मृत्यु भएको छ। गए राती रुकुम पश्चिम आठबीसकोट नगरपालिका–७ पोखराको कच्ची सडकमा जीप दुर्घटनामा भएको हो।
आठबीसकोट–२ घारीखोलाबाट जन्ती लिएर आठबीसकोट–८ दाँजेतर्फ जाँदै गरेको रा १ ज ५८९ नम्बरको जीप दुर्घटना भएको हो। मृत्यु हुनेमा आठबीसकोटका ६६ वर्षीय सार्के नेपाली, ४८ वर्षीय आइते चदारा, अन्दाजी ५१ वर्षीय गोरे नेपाली र सोही नगरपालिका–७ का ५१ वर्षीय कलिभान नेपालीको मृत्यु भएको नगरप्रमुख गोरखबहादुर केसीले जानकारी दिएका छन्।
दुर्घटनामा ६० वर्षीय लालबहादुर नेपाली सख्त घाइते रहेको उनले जानकारी दिए। जीप चालक फरार रहेको प्रहरीले बताएको छ। यो सडकखण्डमा थोत्रा गाडी सञ्चालनमा छन् ।
