नेपाली राष्ट्रिय क्रिकेट टोलीका स्टार बलर सन्दीप लामिछानेलाई कोरोना भाइरस संक्रमण पुष्टि भएको छ। लामिछानेले नै ट्विटमार्फत कोरोना पोजेटिभ भएको जानकारी दिएका हुन्।
उनले ट्विटरमा लेखेका छन्, ‘मलाई कोभिड–१९ पोजेटिभ भएको जानकारी दिनु मेरो कर्तव्य हो। बुधबारदेखि मेरो शरिर दुःखीरहेको थियो। तर अहिले मेरो स्वास्थ्यमा केही सुधार आएको छ, सबै राम्रो भयो भने मँ छिट्टै मैदानमा फर्किनेछु। तपाईंहरूको प्रार्थनामा मलाई सम्झिनु होला।’
