एकदिवसीय क्रिकेट सिरिजको दोस्रो खेलमा अष्ट्रेलियाले भारतलाई ३ सय ९० रनको विशाल लक्ष्य दिएको छ। पहिले ब्याटिङ गरेको अष्ट्रेलियाले निर्धारित ५० ओभरमा ४ विकेट गुमाउँदै ३ सय ८९ रन बनाएको हो।
अष्ट्रेलियाको लागि ब्याट्सम्यान स्टेभेन स्मिथले शतकीय पारी खेले। उनले ६४ बलमा १४ चौका र २ छक्काको मद्धतमा एक सय ४ रन बनाए।
त्यस्तै, ओपनर डेविड वार्नरले ७७ बलमा ८३ रन, कप्तान आरोन फिन्चले ६९ बलमा ६० रनको योगदान दिए। अष्ट्रेलियाको पारमिा मार्नुस लबुस्चांगेले ७० रन र ग्लेन म्याक्सवेलले २९ बलमा ६३ रन बनाए।
भारतको बलिङमा मोहम्मद शामि, हार्दिक पाण्डेय र जसप्रीत बुम्राहले समान एक–एक विकेट लिए। ३ खेलको सिरिजको पहिलो खेलमा अष्ट्रेलिया ६६ रनले विजयी भएको थियो।
