स्पेनिस ला लिगामा ओसासुनाविरुद्ध बार्सिलोनाले शानदार जीत निकालेको छ। आइतबार साँझ भएको घरेलु मैदानमा खेलमा बार्सिलोनाले ओसासुनालाई ४–० गाेलको फराकिलो अन्तरले पराजित गरेको हो।
बार्सिलोनाको जीतमा मार्टिन ब्रेथवेट, एन्टाेनी ग्रिजम्यान, फिलिपे काउटिन्हाे र कप्तान लियोनल मेसीले गोल गरेका थिए।
खेलको २९ औं मिनेटमा ब्रेथवेटको गोलबाट शुरुवाती अग्रता बनाएको बार्सिलोनाले ४२ औं मिनेटमा ग्रिजम्यानको गोलबाट अग्रता दोब्बर बनाएको थियो।
त्यस्तै, दोस्रो हाफको ५७ औंमिनेटमा काउटिन्हाेले गोल गर्दै बार्सिलोनालाई ३–० को अग्रता दिलाए। कप्तान लियोनल मेसीले ७३ औं मिनेटमा गोल गर्दै टोलीको फराकिलो जित पक्का गरे।
यो बार्सिलोनाको जारी सिजनको ला लिगामा चौथो जीत हो। जीतसँगै बार्सिलोना अंक तालिकोको सातौं स्थानमा उक्लिएको छ।
