युईएफए च्याम्पियन्स लिग अन्तर्गत समूह बी को पाँचौ खेलमा शाख्तर डोनेस्कसँग ला लिगा च्याम्पियन रियल म्याड्रिड स्तब्ध बनेको छ। रियल शाख्तरसँग रियल २–० गोलले पराजित भएको हो। शाख्तारको जितमा डेन्टिन्हो र सोलोमोनले समान एक–एक गोल गरे।
खेलको ५७ औं मिनेटमा डेन्टिन्होले रियलको कमजोर डिफेन्सको फाइदा उठाउँदै घरेलु टोलीलाई शुरुवाती अग्रता दिलाए। एक गोलले पछि परेको रियलले खेलमा फर्कने प्रयास गरेपनि सफल हुन सकेन।
खेलको ८२ औं मिनेटमा रियलले थप एक खोल खान पुग्यो। शाख्तरका सोलोमोनले गोल गर्दै टोलीको अग्रता दोब्बर बनाए। त्यसपछि खेलमा थप गोल नहुँदा रियलले हार बेहोर्याे।
हारसँगै रियल म्याड्रिड अंक तालिकाको तेस्रो स्थानमा झरेको छ। रियललको ५ खेलबाट ७ अंक छ। समान खेलमा समान अंक जोडेको शाख्तार हेड टु हेडमा अघि रहँदै दोस्रो स्थानमा छ। शीर्षस्थानमा रहेको बोरुसिया मोन्चेनग्लाडबाकको ४ खेलमा ८ अंक छ।
