पछिल्लो २४ घण्टामा देशभर थप एक हजार ४९० जनामा कोरोना भाइरसको संक्रमण पुष्टी भएको छ। यससँगै कुल संक्रमितको संख्या २ लाख ३६ हजार २४६ पुगेको छ। देशभरका प्रयोगशालामा ८ हजार ३ सय नमुना परीक्षण गर्दा एक हजार ४९० जनामा संक्रमण पुष्टि भएको हो।
स्वास्थ्य तथा जनसंख्या मन्त्रालयकाे अनुसार हाल सक्रिय संक्रमितको संख्या १६ हजार ५४७ रहेको छ ।
पछिल्लो २४ घण्टामा थप १ हजार ५६७ जना कोरोना संक्रमणमुक्त भएका छन्। योसँगै नेपालमा कोरोना संक्रमण भएर निको हुनेको संख्या २ लाख १८ हजार १६१ पुगेको छ।
त्यस्तै नेपालमा पछिल्लो २४ घण्टामा थप ९ जनाको कोरोना भाइरसको संक्रमणका कारण मृत्यु भएसँगै हालसम्म १ हजार ५३८ जनाले काेराेनाकाे कारण ज्यान गुमाएका छन्।
