नायिका श्वेता खड्का बैबाहिक जीवनमा बाँधिने भएकी छिन्। श्वेताले मंसिर २२ गते धनगढीका विजयेन्द्र सिंह रावतसँग विवाह गर्न भएकी हुन्। केही समयदेखि प्रेम सम्बन्धमा रहेका विजयेन्द्र र स्वेताको बिहेका लागि निम्तो कार्ड समेत नजिकका आफन्त र साथीभाइलाई बाडिएको छ।
स्वेताको बिहे गोकर्ण फरेष्ट रिसोर्टमा हुनेछ। मंसिर ५ गते नै स्वेताले बिवाह गर्न लागेको हल्ला चलेको थियो। तर स्वेताले यसमा कुनै सत्यता नरहेको बताएकी थिइन्।
नायिका स्वेता खड्का चलचित्र ‘कहाँ भेटिएला’ बाट चलचित्र क्षेत्रमा प्रवेश गरेकी हुन्। श्वेताले नायक श्रीकृष्ण श्रेष्ठसँग वि.सं २०७१ साल असार २३ गते विवाह गरेकी थिइन्। तर, बिहे भएको करिब एक महिनापछि श्रीकृष्णको वि.सं २०७१ साल साउन २५ गते भारतमा उपचारका क्रममा निधन भएको थियो।
स्वेता पछिल्लो समय चलचित्रसँगै विभिन्न व्यवसायमा आवद्ध छिन्।
