अमेरिकामा एकैदिन कोराना भाइरसबाट मर्नेको संख्यामा नयाँ कीर्तिमान बनेको छ। अमेरिकामा बुधबार एकै दिनमा अहिलेसम्मकै धेरैको मृत्यु भएको हो।
अन्तर्राष्ट्रिय सञ्चारमाध्यमका अनुसार बुधबार अमेरिकामा ३ हजार १५७ जनाको मृत्यु भएको छ। यसअघि गत अप्रिल १५ मा एकैदिन सबैभन्दा धेरैको मृत्यु भएको थियो। यो संख्या अप्रिल १५ को भन्दा २० प्रतिशत बढी हो।
अमेरिकामा कोरोनाका कारण अहिलेसम्म दुई लाख ८२ हजार ८२९ जनाको मृत्यु भएको छ। त्यहाँ एक करोड ४५ लाखभन्दा बढी संक्रमित भएका छन्।
