भारत र अष्ट्रेलियाबीचको अन्तर्राष्ट्रिय टी–२० क्रिकेट सिरिजको दोस्रो खेल आइतबार हुँदैछ। खेल दिउँसो १ः५५ बजे शुरु हुँदैछ।
सिरिजको पहिलो खेलमा विजयी भएको भारत दोस्रो खेलमा पनि जित निकाल्दै एक खेल अगावै सिरिज उपाधि जित्न चाहान्छ। त्यस्तै, बुधबारको खेलमा भारतलाई हराउँदै अष्ट्रेलिया सिरिजमा पुनरागमन गर्ने दाउमा छ।
सिरिजको पहिलो खेलमा भारतले अष्ट्रेलियालाई ११ रनले पराजित गरेको थियो। भारतले दिएको १ सय ६१ रनको लक्ष्य पछ्याएको अष्ट्रेलियाले निर्धारित २० ओभरमा १ सय ५० रन मात्र बनाउन सक्यो।
सिरिज उपाधिको आशा जीवितै राख्न अष्ट्रेलियालाई आजको खेल जित्नैपर्ने दबाब छ। उता, एकदिवसीय सिरिजउपाधि गुमाएको भारत टी–२० सिरिज उपाधि जित्दै बदला लिने दाउमा छ।
