ज्यानै दिन्छु मेरो सुरमा चलम भन्ने धेरै,
यसो घरमा बाउआमालाई छलम भन्ने धेरै।
त्यो दिललाई यो मुटुमा कैद गरि सकेँ,
मायाको रापमा सँगै जलम भन्ने धेरै।
संसारकै नमुना भई जिउन चाहेको छु भन्दै,
पिरतीको दियो बनी बलम भन्ने धेरै।
जो बिना एक अर्काको अस्तित्व नै छैन,
तिमी कपी म त्यही कलम भन्ने धेरै।
तिमीलाई लाको चोटले मलाई कुन्नी कता दुख्छ,
जे होस् म त त्यही चोटको मलम भन्ने धेरै।
कति लामो भयो बाबै प्रतिक्षाको घडी,
तिम्रै यादमा कहिलेसम्म गलम भन्ने धेरै।
उम्किएर जाउँला भन्ने नसोच है सानु,
एउटै रुखको फरक हाँगा फलम भन्ने धेरै।
