नेपाली सांगीतिक क्षेत्रका वरिष्ठ गायक जगतमर्दन थापाको निधन भएको छ। गायक थापाको नर्भिक अस्पतालमा उपचारका क्रममा निधन भएको हो।
८५ वर्षीय थापाको सोमबार बिहान १० बजे निधन भएको उनका छोरा मोहितमर्दन थापाले जानकारी दिएका छन्। सप्तरीको बरमझियामा जन्मेका थापाले २०१३ सालमा नै रेडियो नेपालबाट आफ्नो सांगीतिक तथा साहित्यिक यात्रा शुरु गरेको थिए।
उनले २०१८ सालमा नै कोलकाताबाट ‘माया लुकाई लुक्दैन’ बोलको पहिलो गीत रेकर्ड गराएका थिए। २०२१ सालमा उनको कथासंग्रह ‘पलाँसको फूल’ सार्वजनिक भएको थियो।
मौलिक गायक थापा नेपाली गीतसंगीतलाई अमर र अजर बनाउने प्रयासमा निरन्तर लागेका थिए। थापाका एक छोरा र तीन छोरी छन्।
