काठमाडौं – पछिल्लो २४ घण्टामा देशभर थप एक हजार १४ जनामा कोरोना भाइरसको संक्रमण पुष्टी भएको छ। यससँगै कुल संक्रमितको संख्या २ लाख ४१ हजार ९९५ पुगेको छ। देशभरका प्रयोगशालामा ६ हजार २२० नमुना परीक्षण गर्दा एक हजार १४ जनामा संक्रमण पुष्टि भएको हो।
स्वास्थ्य तथा जनसंख्या मन्त्रालयकाे अनुसार हाल सक्रिय संक्रमितको संख्या १२ हजार ९४८ रहेको छ। मन्त्रालयका अनुसार पछिल्लो २४ घण्टामा काठमाडौँ उपत्यकामा ४४२ कोरोना संक्रमित थपिएका छन्। जसमध्ये काठमाडौंमा ३ सय ४४, भक्तपुरमा ३१, ललितपुरमा ६७ जना संक्रमित थपिएको मन्त्रालयले जनाएको हो ।
पछिल्लो २४ घण्टामा थप १ हजार ६२८ जना कोरोना संक्रमणमुक्त भएका छन्। योसँगै नेपालमा कोरोना संक्रमण भएर निको हुनेको संख्या २ लाख २५ हजार ८०५ पुगेको छ।
त्यस्तै नेपालमा पछिल्लो २४ घण्टामा थप २० जनाको कोरोना भाइरसको संक्रमणका कारण मृत्यु भएसँगै हालसम्म १ हजार ६ सय १४ जनाले काेराेनाकाे कारण ज्यान गुमाएका छन्।
